Përshtati në shqip për Shendeti Online dhe gazeta Shëndet+: Blertina Koka
Nëse ju pëlqejnë ushqimet djegëse, tani keni një arsye më shumë përse t’i konsumoni – ju ndihmojnë të jetoni më gjatë. Njerëzit që konsumojnë spec të kuq djegës kanë 13% më pak gjasa që të vdesin para atyre që nuk konsumojnë fare ushqime djegëse.
Sëmundjet më të zakonshme që parandalojnë ushqimet djegëse janë problemet me zemrën dhe goditja në tru.
Prej kohësh është menduar se speci i kuq djegës është i mirë për trajtimin e disa sëmundjeve, ndërsa vetëm një studim i mëparshëm është ndalur tek lidhja e tij me vdekshmërinë.
Hulumtuesit shkencorë nga Universiteti Vermont në SHBA analizuan të dhënat e një studimi afatgjatë, ku ishin vëzhguar për 23 vite zakonet e ushqyerjes së 16 mijë amerikanëve.
Gjatë kësaj kohe, gati 5000 vullnetarë kishin ndërruar jetë.
Vdekshmëria totale e vullnetarëve që kishin konsumuar spec të kuq djegës ishte 21.6%, ndërsa tek ata që nuk kishin konsumuar ishte 33.6%, një diferencë me 12%.
Ekspertët thonë se kanalet tek sipërfaqja e jashtme e qelizave në trupin e njeriut, të quajtur Receptorët Potencial të Përkohshëm, mund të jenë përgjegjës.
Ato janë receptorët e parë që marrin substancën djegëse kapsaicin, përbërësi kryesor tek specat djegës.
Burimi: Daily Mail / https://shendeti.com.al/
