Përshtati në shqip për Shëndeti Online dhe gazeta Shëndet+: Blertina Koka
Patatet e skuqura shumë mund të rrisin rrezikun për zhvillimin e kancerit, paralajmërojnë mbikëqyrët e ushqimit. Tosti i djegur gjithashtu futet në listën e rrezikut të Agjencisë së Standardeve të Ushqimeve.
Ekspertët rekomandojnë që ushqimet e skuqura të kenë një ngjyrë të verdhë ari dhe mos të kalojnë asnjëherë në ngjyrë kafe. Ata ngrenë shqetësimin në lidhje me konsumimin e substancës kimike akrylamide, që shkaktohet nga procesi i skuqjes së shumtë të patateve.
FSA sugjeron që njerëzit mund të ulin rrezikun duke hequr dorë nga patatinat e thata dhe të konsumojnë patate të ziera, pure dhe ushqime në avull. Ekspertët rekomandojnë gjithashtu që t’i mos i ruani më patatet në frigorifer. Kjo, pasi nivelet e sheqerit rriten të perimet në temperatura të ulëta duke ngritur kështu sasinë e akrilamidës që prodhohet gjatë gatimit.
Agjencia e Standardeve të Ushqimeve ka hapur edhe një fushatë me sloganin “Go for gold”, për të paralajmëruar kompanitë e fast food-eve në lidhje me këtë rrezik potencial.
Substanca akrylamide, që gjendet gjithashtu edhe tek cigaret, ka rezultuar se shkakton kancer në testet e kryera tek kafshët. Studimet kanë treguar se të gjitha grupmoshat, në veçanti fëmijët, po konsumojnë më shumë akrylamide seç duhet.
Për ta shmangur këtë substancë, FSA sugjeron që ushqimet me niseshte, si patatet, buka, perimet me rrënjë duhet të kenë një ngjyrë të verdhë në gold, ndoshta edhe pak më të lehtë, kur skuqen, piqen apo theken.
Burimi: Daily Mail / https://shendeti.com.al/
