Mjekja: Obeziteti te moshat pediatrike, kambanë alarmi

Në ciklin e podcasteve “Obeziteti, le të flasim për të”, mjekja endokrinologe Renta Sanxhaku ka ngritur shqetësimin për shfaqjen e obezitetit në moshat pediatrike, duke e cilësuar këtë situatë si një “këmbanë alarmi” për të ardhmen.

Sipas saj, fakti që obeziteti po shfaqet te fëmijët duhet të nxisë më shumë ndërgjegjësim dhe edukim për mënyrën e ushqyerjes dhe stilin e jetesës që në moshë të hershme.

“Është këmbanë alarmi që obeziteti po shfaqet dhe në moshat pediatrike. Dhe kjo është një gjë që duhet të na bëjë të gjithëve të ndërgjegjësohemi”, u shpreh Sanxhaku.

Mjekja ngre pyetjen se çfarë pasojash mund të ketë kjo situatë në të ardhmen, nëse fëmijët që përballen me obezitet sot do të vijojnë ta kenë këtë problem edhe në moshë madhore.

“Në qoftë se kemi sot fëmijë 10 vjeç me obezitet, çfarë mund të kemi nesër kur kemi 30, 40 apo 50-vjeçarë me shumë sëmundje shoqëruese nga ky problem?”, theksoi ajo.

Sanxhaku nënvizon se parandalimi dhe ndërgjegjësimi duhet të nisin që në fëmijëri, duke e konsideruar edukimin për një mënyrë jetese të shëndetshme si një proces që duhet të fillojë që në moshat pediatrike.

“Prandaj edukimi duhet të fillojë që në moshat pediatrike”, përfundoi endokrinologia.

Postime të ngjashme

Shqipëria vijon të shuhet, lindjet ranë me 10.5% në T3, shtesë pozitive vetëm Tirana e Durrësi
Trajtimi me medikamentet GLP-1 RA, mjekja zbulon gabimet më të zakonshme që bëjnë pacientët
Pagesat nga xhepi për shëndetësinë, Raporti i KE: Qytetarët paguajnë tri herë më shumë se mesatarja e BE-së
Mjekja zbulon dietat që janë efektive për rënien nga pesha
Përtej vitaminës D: Si ndikon drita e diellit në metabolizëm dhe sheqerin në gjak
Pudinga me copëza xhami në treg, AKU: Mos e konsumoni
Medikamentet GLP-1 RA: Çfarë duhet të presin personat me obezitet nga trajtimi me këto barna?
Perimet jeshile që "zgjojnë" metabolizmin dhe ndihmojnë në humbjen e peshës