Përshtati në shqip për Shëndeti Online dhe gazeta Shëndet+: Blertina Koka
Dhëmbët normalisht duhen larë dy herë në ditë, por ka dhe nga ata që e shmangin këtë zakon të përditshëm.
Sipas dentistëve, moslarja e dhëmbëve mund të çojë në disa probleme shëndetësore, duke filluar nga prishja e dhëmbëve dhe gjakderdhja e mishrave, deri tek zhvillimi i sëmundjeve koronare të zemrës.
Ja cilat janë disa nga pasojat nga moslarja e dhëmbëve:
Erë e keqe e gojës: Nëse nuk i lani dhëmbët dhe gjuhën rregullisht, mbetjet ushqimore në gojë do të çojnë në formimin e pllakës bakteriale dhe prishjen e dhëmbëve. Bakteret e rritura në gojë do të shkaktojnë gjithashtu erë të keqe të saj.
Sëmundje koronare e zemrës: Toksinat dhe bakteret e gojës mund të hyjnë në qarkullimin e gjakut duke bllokuar arteriet e për pasojë mund të sjellë bllokim dhe atak në zemër.
Gjakderdhje të dhëmbëve: Duke larë dhëmbët stimulohet edhe qarkullimi i gjakut në mishrat e tyre dhe kjo është pjesë e rëndësishme e shëndetit të gojës. Nëse nuk i lani atëherë stimuloni gjakderdhjen e tyre.
Prishje të dhëmbëve: Nëse nuk i lani dhëmbët rregullisht, fillon të krijohet inflamacion në mishrat e dhëmbëve, e për pasojë, nëse nuk trajtohet, ju dëmton kockën e nofullave, dhe krijon hapësirë mes dhëmbëve dhe mishrave. Kështu do të humbisni dhëmbët tuaj.
Nuk ka më puthje! Nëse do të keni të gjitha këto të këqija nga moslarja e dhëmbëve, të jeni të sigurt se askush nuk do të donte t’ju puthte.
Çngjyrosje të dhëmbëve: Gjatë ngrënies konsumojmë edhe pije të ndryshme me ngjyrë, apo verë dhe kafe dhe nëse dhëmbët nuk lahen do humbasin bardhësinë dhe shkëlqimin e tyre.
Burimi: Daily Mail / https://shendeti.com.al/
