Përshtati në shqip: Blertina Koka
Konsumoni më pak yndyra të ngopura
Yndyrat e ngopura mund të rrisin sasinë e kolesterolit në gjak – një nga shkaktarët kryesorë të tensionit të lartë të gjakut.
Ulja e konsumit të yndyrave mund t’ju ndihmojë të parandaloni ose ulni tensionin e lartë të gjakut.
Pakësoni kripën
Shoqata Amerikane e Zemrës rekomandon jo më shumë se 2300 miligramë kripë në ditë. Pavarësisht kësaj, shumë të rritur konsumojnë më shumë se aq. Doza mesatare e sodiumit është rreth 3400 mg në ditë.
Stërvituni më shumë
Aktiviteti fizik ju ndihmon të ulni tensionin e gjakut. Ai ju ndihmon gjithashtu të humbni peshë dhe ulni sasinë e kolesterolit në gjak.
Pini alkool në sasi të moderuar
Konsumi i alkoolit në doza të larta mund të rrisë tensionin e gjakut në nivele të pashëndetshme.
Konsumi i më shumë se 3 pijeve në një periudhë krejt të shkurtër rrit tensionin e gjakut, ndërsa nëse vazhdoni me këtë zakon të keq, mund të çojë në rritje afatgjate.
Burrat nuk duhet të konsumojnë më shumë se 2 pije alkoolike në ditë, ndërsa gratë duhet të mjaftohen me një gotë.
Hiqni dorë nga duhani
Pirja e duhanit nuk ndikon drejtpërdrejt në tensionin e gjakut, megjithatë shkakton ngushtim të arterieve.
Burimi: Daily Mail / Shendeti.com.al
