Tedros Adhanom Ghebreyesus nga Etiopia do të jetë drejtori i ri i përgjithshëm i Organizatës Botërore të Shëndetësisë. Ai është afrikani i parë në krye të agjencisë së Kombeve të Bashkuara, pasi fitoi më shumë vota nga 186 shtete anëtare.
Z. Ghebreyesus do të zëvendësojë Margaret Chan, e cila do të lërë pas 10 vjetësh postin si drejtore e përgjithshme e OBSH-së.
52-vjeçari Ghebreyesus është i martuar dhe me 5 fëmijë. Më parë ka punuar si ministër i Shëndetësisë në Etiopi dhe kryetar i bordit të Fondacionit Global për luftën kundër SIDA-s, Turbekulozit dhe Malaries.
5 prioritetet e tij kryesore në punën e re janë:
- Përmirësimi i mbulimit shëndetësor universal
- Reagimi në kohë i OBSH-së ndaj emergjencave dhe përhapjes së sëmundjeve
- Fokusi kryesor do të jenë fëmijët, adoleshentët dhe gratë
- Ndihmesa e kombeve në lidhje me efektet e ndryshimeve klimaterike në shëndet
- Agjencia do të jetë më transparente dhe përgjegjëse
Burimi: BBC / Shendeti.com.al
