Anila Rexha, mjeke kardiologe pranë Qendrës Shëndetësore nr. 1
Një pacient me diabet është një pacient me risk të lartë kardiovaskular. Vetë prania e diabetit e kategorizon atë në të sëmurët mjaft të riskuar.
Megjithatë kjo nuk është fort dëshpëruese nëse diabeti menxhohet dhe trajtohet mire si në drejtim të medikamenteve, ashtu dhe të stilit të jetesës dhe sigurisht nëse bëhen kontrollet periodike tek mjeku i familjes e ai specialist.
Pavarësisht statistikave, sëmundja koronare është mjaft e trajtueshme kur kapet në fazat e hershme të saj. Përveç parandalimit dhe menaxhimit të faktorëve të riskut, sot ekzistojnë edhe trajtime për fazën e rëndë të sëmundjes si andioplastika apo trajtimi kirurgjikal që është bajpasi.
Diabetikët hyjnë tek kategoria e të sëmurëve që kanë nevojë për kontrolle rutinë, sepse tek pjesa më e madhe e tyre sëmundja ishemike shfaqet me pak ose aspak simptoma. Shumë prej tyre bëjnë ishemi të heshtur, pra megjithëse mund të kenë prani të rëndësishme të sëmundjeve të gjakut, simptomat që ankon i sëmuri janë shumë të “varfra” dhe ndonjëherë edhe fare./ Shendeti.com.al
