Përshtati në shqip: Blertina Koka
Kafja mund të fshehë sekretin për luftimin e obezitetit, sugjeron një studim i ri. Kafeina, stimuluesi kryesor i kësaj pijeje, ndihmon në djegien e kalorive duke rritur prodhimin e oksitocinës. Ky hormon ndikon si tek oreksi ashtu edhe metabolizmi – duke i ndihmuar kështu njerëzit që të sheshojnë barkun.
Në testet e kryera tek minjtë mbipeshë, të cilët morën sasi të larta të kafienës, kjo e fundit rezultoi efikase në dobësimin e minjve. Kafja, sipas shkencëtarëve kinezë, ju pret oreksin dhe ju bën më aktivë.
Gjithmonë konsumimi i kafes është lidhur me faktin që ndihmon njerëzit të humbasin peshë, megjithatë nuk është shpjeguar asnjëherë procesi me të cilën ndodh një gjë e tillë. Gjetjet e fundit hedhin dritë mbi mekanizmin e përfshirë, duke siguruar të dhëna të reja se si kafeina rregullon metabolizmin.
Shkencëtarët nga Universiteti Huazhong, në Kinë, besojnë se ky studim i ri mund të çojë në prodhimin e një pilule të re me kafeinë për të luftuar obezitetin.
Burimi: Daily Mail / Shendeti.com.al
