Njihen si miqtë më të mirë të njeriut. Tani shkencëtarët kanë treguar se të mbash një qen e kthen pas orën e moshës, duke i bërë të zotët e qenve të veprojnë si 10 vjet më të rinj.
Ky efekt vjen pavarësisht distancës me të cilën ecin qeni dhe i zoti, thonë studimet.
“Nëse keni një qen në shtëpi, aktiviteti juaj fizik është pothuajse i barabartë me një person 10 vjet më të ri. Nuk është se kjo i shton një dekadë jetës suaj, por është tepër e dobishme”.
Të mbetesh aktiv edhe në moshë të madhe, përveçse ndikon për një shëndet mendor më të mirë, përmirëson edhe muskujt e kockat.
“Në përgjithësi pronarët e qenve kanë nivele më të ulëta depresioni, – thonë studiuesit. – Lidhja mes kafshëve dhe pronarëve të tyre përmirëson shëndetin e njerëzve”.i
