Keni probleme me gjumin? Ngrënia e peshkut mund të jetë një ndihmë për ju. Një sugjerim i tillë vjen nga “Journal of Clinical Sleep Medicine”. Disa 
studiues të Universitetit të Bergenit (Norvegji) kanë dashur të testojnë efektet e peshkut tek gjumi, si dhe disa parametra të lidhura me vitaminën D dhe omega 3.
95 burrave iu dhanë për gjashtë muaj vakte që përmbanin salmon tre herë në javë, ndërsa të tjerëve iu dha mish pule, lope e derri.
Pas kësaj periudhe kërkuesit zbuluan se ata që ushqeheshin me peshk kishin përqendrim më të madh të omega 3 në rruazat e kuqe dhe nivelet e tyre të vitaminës D ishin më pranë atyre që quhen nivele tepër të mira. Për më tepër, nivelet e vitaminës D ishin të lidhur me një cilësi më të mirë gjumë dhe me aftësinë për të kryer aktivitetet e përditshme në mënyrë të përshtatshme./Corriere
