Ndoshta e kanë fajin akulloret e shumta, mërzitja, ndërprerja e aktiviteteve sportive që kryejnë gjatit vitit shkollor, megjithatë pushimet verore janë problematike për fëmijët, pasi, sipas një studimi të kryer nga Universiteti i Harvardit, kur shkollat mbyllen, fëmijët shtojnë në peshë.
Gjatë verës pesha e të vegjëlve rritet shumë herë më shpejt sesa gjatë vitit shkollor.
Studimi u bazua në mbledhjen e të dhënave të shtatë studimeve të mëparshme që përfshinin 10 mijë fëmijë të moshës 5-12 vjeç.
Një nga këto kërkime për shembull thoshte se treguesi i masës trupore të fëmijëve dyfishohet gjatë verës krahasuar me rritjen gjatë vitit shkollor.
Sipas studiuesve, kjo lidhet me mungesën e aktiviteteve të strukturuara, me konsumin e lartë të ushqimeve jo të shëndetshme, me mërzinë si dhe rritjen e kohës që kalohet me lojëra pasive para kompjuterit. Këshillohet që fëmijët të përfshihen në aktivitete sportive ose thjesht të nxiten të kryejnë shumë not.
