Qyteti i Shkodrës është tronditur mëngjesin e sotëm nga një shpërthim me eksploziv të ndodhur në lagjen Rus. Eksplozivi është vendosur para një ndërtese 2-katëshe, në hyrje të së cilës gjendet një klinikë dentare.
Persona të pranishëm në vendndgjarje bëjnë me dije për Gazeta Shëndeti se eksplozivi mund të jetë vendosur te një motorçikletë, e cila ishte parkuar para ndërtesës ku ndodhi edhe shpërthimi.
Nga shpërthimi i fortë dyshohet për tre persona të plagosur, të cilët kanë shkuar në spital për mjekim dhe ndodhen jashtë rrezikut.
Për momentin ende nuk dihen shkaqet dhe autorët e kësaj ngjarjeje. Grupi hetimor vazhdon punën për zbardhjen e ngjarjes.
