Ka ndërruar jetën në moshën 76-vjeçare profesori Stephen Hawking. Shkencëtari i njohur ndërroi jetë mëngjesin e sotëm në shtëpinë e tij në Kembrixh, Angli.
Lajmi është bërë i ditur nga fëmijët e profesorit.
“Jemi pikëlluar shumë nga ndarja sot nga jeta e babait. Ishte një shkencëtar dhe një njeri i jashtëzakonshëm, puna dhe trashëgimia e të cilit do të jetojë për shumë vite.
Do të na mungojë përgjithmonë.
Edhe pse trupi i tij u sulmua nga një sëmundje motorike e neuroneve kur ishte vetëm 21 vjeç, Hawking habiti mjekët duke jetuar me këtë sëmundje për më shumë se 50 vite.
Që prej vitit 1963 ai u diagnostifikua me një një sëmundje të quajtur Amyotrophe Lateralsklerose (ALS), që e la atë në një karrige me rrota. Por kjo se ka penguar atë të vazhdojë pasionin e tij për shkencën.
Në vitin 2016, profesori u paraqit në një spot ndërgjegjësues të një organizate suedeze të shëndetësisë ku kërkonte të ndërgjegjësonte njerëzit mbi ushqimet e shëndetshme.
“Si një kozmolog, e shoh botën si një të tërë dhe jam këtu për të adresuar një prej problemeve më të mëdha shëndetësore të shekullit të 21. Ne hamë shumë dhe lëvizim pak. Zgjidhja për këtë nuk është shkenca dhe as teknologjia. Zgjidhja për këtë jemi vetë ne, aktiviteti fizik dhe një ndryshim në dietë”, thotë Hawking.
Burimi: Daily Mail / Shendeti.com.al
