Përshtati në shqip: Blertina Koka
Në një botë të dominuar me dieta nga më të çuditshmet, pjesa më e madhe e të cilave rekomandohen nga personazhet e njohur, shumë njerëz nuk e besojnë se ka një dietë të vetme të mirë për shëndetin.
Megjithatë, studimet kanë treguar se një dietë e pasur me perime, proteina dhe yndyra të shëndetshme ka përfitimet kryesore për të rënë në peshë dhe mbrojtur zemrën e trurin ndërsa plakemi.
Ky lloj regjimi i të ngrënit vjen në forma të ndryshme, nga një dietë me bazë bimore deri në atë mesdhetare. Disa njerëz konsumojnë më shumë vezë, produkte të bulmetit, mish dhe peshk; ndërsa të tjerë janë vegjetarianë dhe shmangin mishin dhe produktet e tjera shtazore.
Kryesorja është se shumica këtyre dietave kanë dy karakteristika kryesore: janë të pasura në perime, proteina dhe yndyra të shëndetshme, dhe të ulëta në ushqimet e përpunuara dhe karbohidratet e rafinuara si buka e bardhë.
Sipas ekspertëve, regjimi i të ngrënit lidhet ngushtë me plakjen e shëndetshme dhe një rrezik më të ulët për zhvillimin e sëmundjeve kronike si kanceri, sëmundjet zemrës dhe përmirësimi i funksionit njohës.
Burimi: Independent / Shendeti.com.al
