Të kalosh fundjavën në shtrat shpeshherë na mërzit, pasi mendojmë se fundjava është për të dalë me miqtë, me të afërmit, për t’u argëtuar. Na ndodh shpesh që gjatë javës nuk arrijmë të “ngopemi” me gjumë, pasi ngrihemi shpejt dhe nuk flemë më shumë se 5 apo 6 orë. Nga një studim i kryer, është vërejtur se personat e moshës 65 vjeç që flenë më pak se 6 orë gjatë gjithë javës, vdesin më të rinj në krahasim me ata që flenë 6 orë apo më tepër. Megjithatë, edhe nëse nuk keni kohë të flini mjaftueshëm gjatë javës, ka ende shpresë. I njëjti studim tregoi se nëse orët e humbura të gjumit i zëvendësoni në fundjavë, është njësoj sikur të keni fjetur çdo ditë mjaftueshëm.
Ky studim u bazua në të dhënat që u mblodhën nga 38.000 persona në Suedi, ku u ndoq nga afër stili i tyre i jetesës për 13 vite dhe u përdor regjistri i vdekjeve. Ekspertët arritën në përfundimin se personat që flinin 5 orë ose më pak gjatë javës, kishin rrezik më të lartë vdekshmërie nga ata që flinin 6 orë apo më shumë.
Pra, edhe nëse gjatë javës flini pak orë, mos u shqetësoni. Mjafton që orët t’i zëvendësoni në fundjavë dhe është njësoj si të keni fjetur çdo natë 8 orë.
