Kryeministri Edi Rama na ka uruar sot mirëmëngjesi me historinë e një mjeku anestezist-reanimator, i cili ka lënë Gjermaninë për të punuar në Spitalin e Peshkopisë.
Sipas kryeministrit Rama, shkak për rikthimin e Fatmir Xhemalit nga Gjermania në Peshkopi është bonusi për mjekët specialistë që punojnë jashtë Tiranës.
Në fakt mjeku në intervistë thotë se ishin arsyet familjare që e rikthyen në Shqipëri, më pas vendosi që të përfitojë nga bonusi i Ministrisë së Shëndetësisë për mjekët.
Ky mjek, gjithmonë sipas Ramës, është shembulli i 13-të që lë një shtet të huaj për të punuar si mjek në Shqipëri, falë programit të ri të qeverisë, Bonus për Mjekët Specialistë jashtë Tiranës.
Urojmë që qëndrimi i tij në Spitalin e Peshkopisë të jetë i gjatë.
