Përshtati në shqip: Blertina Koka
Afshet e nxehta janë një nga simptomat më të zakonshme dhe më të diskutuara të menopauzës. Pavarësisht shumë viteve kërkim, shkencëtarët akoma nuk kanë arritur të konfirmojnë përse luhatja e hormoneve shkakton dalje jashtë kontrollit të temperaturës në trup.
Një studim i ri pretendohet se ka zbuluar neuronin që bëhet hiperaktiv kur bien nivelet e estrogjenit. Rezultatet e këtij studimi, të kryer nga një ekip shkencëtarësh nga Universiteti i Uashingtonit, konfirmojnë një hipotezë të hedhur prej kohësh, që mund të çojnë në zhvillimin e trajtimeve të reja për të mbajtur nën kontroll këtë neuron pa rritur rrezikun për goditje në tru.
Sfida më e madhe e grave në moshë të mesme është përballimi i afsheve të nxehta dhe rregullimi i niveleve të estrogjenit me ilaçe. Rritja artificiale e niveleve të estrogjenit rrit rrezikun që gratë të zhvillojnë mpiksje të gjakut, atak në zemër, goditje në tru etj.
Gjatë studimit, i drejtuar nga Richard Palmiter, profesor i biokimisë tek Universiteti i Uashingtonit, shkencëtarët modifikuan gjenetikisht minjtë që të kenë afshe të nxehta dhe hiperaktivitet të neuroneve Kiss1.
Ata shpresojnë që ky studim të ndihmojë në zhvillimin e ilaçeve që shënjestrojnë burimin e afsheve të nxehta, pa pasur nevojë që të ndryshohen në mënyrë artificiale nivelet e estrogjenit.
Burimi: Daily Mail / Shendeti.com.al
