Nga mjekja stomatologe Elida Fejzo:
Kjo është e vërtetë! Heqja e protezës gjatë kohës që flemë, ka qëllime profilaktike. Vetëm kështu mund të shmangim atë që quhet atrofi e nofullave (humbje progresive e nofullave). Gjatë natës ulet presioni që proteza ushtron mbi nofulla dhe i lejon atyre qarkullim më të mirë të gjakut dhe për rrjedhojë edhe të lëndëve ushqyese për të cilat si çdo pjesë tjetër e trupit edhe nofullat kanë shumë nevojë. Veç të tjerave, duke qenë të pavullnetshëm gjatë kohës që flemë, evitojmë edhe ndonjë aksident të mundshëm sidomos tek personat e alkoolizuar apo ata që pinë pilula gjumi.
