Përshtati në shqip: Arlinda Rexhmati
Koronavirusi ka shkaktuar viktimën e parënë Zvicër. Një grua 74 vjeçare ndërroi jetë këtë mëngjes në kantonin e Vaud – it.
Gruaja, që ishte shtruar në spitalin e Lausanne të martën, vuante gjithashtu dhe nga një sëmundje kronike pre – ekzistuese, konsiderohej nga mjekët si një rast me “rrezik të lartë”.
COVID – 19 ka simptoma të lehta në 80% të rasteve, por tek personat e sëmurë apo më të moshuar mund të shkaktojë pneumoni të rëndë dhe dështim të disa organeve.
Sipas statistikave, në të gjithë botën, koronavirusi i ri llogaritet të ketë vrarë 3.4% të të gjithë personave të prekur.
Zvicra pezulloi të premten të gjitha aktivitetet me më shumë se 1,000 pjesmarrës, deri më 15 mars.
Burimi: The Local
