Përshtati në shqip: Arlinda Rexhmati
Drejtori i Përgjithshëm i Organizatës Botërore të Shëndetit (OBSH) Tedros Adhanom Ghebreyesus, tha në një konferencë për shtyp se duke qenë se koronavirusi është përhapur në kaq shumë vende, rreziku i një pandemie është bërë shumë i vërtetë.
Por, sipas tij, kjo do të ishte pandemia e parë në histori që do të mund të kontrollohej.
“Gjatë fundjavës kishim 100,000 raste të raportuara të COVID-19 në 100 shtete. Është sigurisht shumë shqetësuese që kaq shumë njerëz dhe shtete janë prekur, kaq shpejt. Tani që koronavirusi është përhapur në kaq shumë vende, rreziku i një pandemie është bërë shumë i vërtetë. Por, kjo do të ishte pandemia e parë në histori që do të mund të kontrollohej.
Thelbësore është: ne nuk jemi në mëshirë të këtij virusi. Avantazhi më i madh që kemi është që vendimet që ne të gjithë marrim, si qeveri, biznese, komunitete, familje dhe individë mund të influencojë trajektoren e kësaj epidemie”, u shpreh Tedros.
Burimi: OBSH
