Acidi hialuronik është një substancë që gjendet në trupin e njeriut. Ajo ka një përqendrim më të lartë në lëngjet e syrit dhe kyçeve. Acidi hialuronik i cili përdoret në mjekësi nxirret nga lafsha e gjelit ose nga bakteret në laborator.
Njerëzit marrin acid hialuronik për probleme të ndryshme me kyçet, përfshirë osteoartritin. Ai mund të merret nga goja ose të injektohet në kyçet e dëmtuara nga specialistë të shëndetit.
Federata Amerikane e Medikamenteve (FDA) e ka aprovuar përdorimin e acidit hialuronik gjatë ndërhyrjeve kirurgjikale të syrit, si: heqjen e perdes së syrit, transplantit të korneas dhe riparimit të retinës apo dëmtimeve të tjera në sy. Ajo gjithashtu injektohet në sy gjatë ndërhyrjes për të ndihmuar zëvendësimin e lëngut natyral.
Acidi hialuronik përdoret gjithashtu si një mbushës buzësh në kirurgjinë plastike.
Disa njerëz e aplikojnë acidin hialuronik në fytyrë për të shëruar plagët, djegiet, ulcerat e lëkurës dhe si një hidratues.
Ka një interes të madh në përdorimin e acidit hialuronik për të parandaluar efektet e plakjes. Në fakt, acidi hialuronik është promovuar si “burimi i rinisë”. Sidoqoftë, nuk ka prova të forta që të mbështesin faktin se marrja e tij nga goja apo aplikimi në lëkurë mund të parandalojë plakjen.
Gratë shtatzëna apo nënat që i japin gji foshnjës e kanë të ndaluar përdorimin e këtij acidi në çdo lloj forme.
