Evidentohen të sëmurët shqiptarë me CoVid19. Bëhet fjalë për një çift biznemenësh me origjinë nga Saranda, banorë të ishullit Zakinthos.
Ata u evidentuan me virusin vdekjeprurës pas një udhëtimi biznesi në veri të Italisë. Sapo ata mbërritën në ishullin Zakinthos shfaqën simptomat e sëmundjes dhe u izoluan në ambientet e banesës së tyre. Mjekët e spitatit rajonal të Zakinthos, thanë se gjendja e tyre është mjaft e mirë dhe për momentin po reagojnë normalisht ndaj barnave që po trajtohen.
Sapo u bë i ditur infektimi i tyre, autoritet e ishullit të Zakinthos, urdhëruan dizinfektimin dhe mbylljen e menjëhershme të restorantit shumë të frekuentuar në pronësi të çiftit dhe kalimin në karantinë edhe të 2 punonjësve të tjerë të restorantit, edhe ata me origjine shqiptare. Deri tani, punonjësit nuk kanë shenja të virusit.
Në ishullin e Zakinthos janë evidentuar disa raste me Covid,por për momentin nuk dihet se kush është burimi i infektimit të banorëve. Zona e Zakinthos, Pirgos Ilias, Katakolos dhe Patras, janë vlerësuar si ndër më të prekurat me COVID-19.
