Nga Dr. Erion Dasho
#nukështëgrip
Sot numri i të sëmurëve nga koronavirusi në shkallë globale kaloi 200,000 dhe i atyre që kanë humbur jetën kaloi 8,000. Shifra që gjithsekush i interpreton sipas njohurive të veta.
Mesazhi mbetet i qartë. Me një rast-fatalitet (CFR) prej afërsisht 4% në shkallë globale, kjo mbetet një sëmundje e rrezikshme që duhet parandaluar me çdo kusht.
Lani duart! Shmangni kontaktet sociale! Respektoni rregullat e karantinës! Kërkoni këshilla mjeksore nga mjeku juaj i familjes! Lidhuni me shërbimin e urgjencës mjeksore në numrin 127 në se keni shenja të prekjes nga koronavirusi!
Një grafik shumë domëthënës. Pandemia vazhdon me ritme të pandërprera. I vetmi ngadalësim është kur Kina e vendosi në kontrol gjatë muajit shkurt. Mesazhi është i qartë. Vetëm karantina dhe masat e kufizimit social janë provuar si të efektshme.
Mos u ankoni! Respektoni karantinën dhe masat e higjienës personale dhe sociale. Kufizimi i përhapjes është i mundur, veçse kërkon kohën e vet.
