Në një kohë kur kemi të bëjmë me një virus të ri, të panjohur dhe kur ende nuk i gëzohemi një vaksine përkatëse, më e mira që mund të bëjmë është t’i shmangemi një infektimi të mundshëm.
Për këtë arsye është i rëndësishëm vlerësimi i distancimit social.
Duke minimizuar kontaktet me botën e jashtme dhe individë të tjerë, ulim probabilitetin e një prekjeje të mundshme nga Covid-19, ose në një rast anasjelltas, nëse jemi ne mbartësit, nuk infektojmë të tjerët.
Teksa mjekët e Infektivit gjenden në një luftë sistematike për të kuruar apo mbajtur në jetë pacientët pozitivë, bëjnë thirrje për qëndrim në shtëpi!
