Me anë të një shkrese të dërguar më 27 mars, Shqipëria i ka kërkuar ndihmë NATO-s, e më konkretisht Qendrës Euroatlantike të Koordinimit të Përgjigjes ndaj Fatkeqësive.
Në kërkesë është edhe lista e plotë për pajisje dhe medikamente mjekësore, duke nisur që nga 1.5 milionë maska, 300 ventilatorë e 300 mijë dorashka.
“Deri tani kemi pasur 174 të prekur, 70 prej të cilëve të shtruar, dhe tetë humbje jete. Niveli i përhapjes së pandemisë në Shqipëri është 6 persona për çdo 100 mijë banorë, ndërsa për Tiranën është 17 për 100 mijë”, shpjegohet në letrën e dërguar NATO-s.
Në dokument flitet gjithashtu për kapacitetet e kufizuara të vendit, me dy spitalet me 480 shtetër të dedikuar COVID-19, për të trajtuar pacientët e prekur nga virusi.
“Kemi caktuar një zonë karantine me 120 shtretër dhe jemi duke përshtatur një ndërtesë të dytë, duke e kthyer në mjedis karantine me 100 shtretër. Kemi dy spitale që i janë përkushtuar pacientëve me COVID-19, me një kapacitet prej 480 shtretërish”.
Nuk dihet ende nëse kërkesa është marrë në konsideratë dhe do të ketë një ndihmë nga NATO për Shqipërinë.
Lista për ndihmë:
| Helmeta CPAC | 2000 |
| Helmeta NIV | 2000 |
| Monitorë Kontrolli | 200 |
| Matës Oksigjeni | 1000 |
| Dorashka Nitrile, 230 mm | 300 000 |
| Veshje sigurie një-përdorimëshe | 200 000 |
| Maska kirurgjie | 1 000 000 |
| Maska FFP3 | 500 000 |
| Monitorë Multi-Parameter | 500 |
| Pompa Shiringe | 500 |
| Ventilatorë për Terapi Intensive (me kompresor ajri) |
300 |
| Ventilatorë terapie sub-intensive (Me turbina) |
500 |
| Shtretër me dyshekë | 500 |
| Komodina | 500 |
| Dollapë | 500 |
