Nga Polikron Çelo, pediatër
Me peshë të vogël – ata që lindin nën 2500gr (pavarësisht kohës së shtatzënisë)
Me peshë shumë të vogël-të lindur nën 1500gr
Të lindur para kohe- lindin para kohës normale të barrës (qoftë dhe me peshë normale).
Në të lindurit para kohe (sidomos para javës së 37-të), qoftë dhe me peshë normale, shumë organe dhe sisteme kanë funksione të kufizuara (konform moshës reale të paralindjes); për rrjedhojë menjëherë pas lindjes ose pak më vonë, mund të shfaqen një sërë ndërlikimesh.
Sa më e thellë prematuranca, aq më problematike për aparatin tretës (duke filluar nga vështirësia për të thithur), sistemin e frymëmarrjes, veshkat, mëlçinë etj. fëmijët që lindin mbi 1.500 g dhe pas javës së 33-34 të shtazënisë, në përgjithësi pas lindjes, mund të ushqehen si të lindurit në kohë dhe ushqimi më i përshtatshmë është qumështi i nënës.
Në mungesë të tij, qumësht me formulë për prematurë. Problem për ushqyerjen përbëjnë të lindurit poshtë kësaj peshe ku aparati tretës nuk ka aarritur pjekurinë e zakonshme. Dihet se qumështi i nënës, gjatë dy javëve të para, në krahasim me qumështin në vazhdim, përmban më shumë kalori, proteina, yndyra dhe natrium, si i tillë krijon vështirësi në tretje.
Nisur nga kjo, si alternativë, ditët e para këshillohet qumësht industrial special për fëmijët me peshë shumë të ulët. Për fëmijët mbi 1.500 kg, qumështi jepet mesatarisht 8 herë: ditën e parë nga 3-5 ml në vakt, ditën e dytë 6-10 ml, ditën e tretë 10-20 ml; në vazhdim duke parë tolerancën.
Sasia mesatare e qumështit për të sapolindurit prematurë
Pesha\kg 1.000 1.200 1.400 1.600 1.800 2.000
Sasia\ml 170 215 250 285 320 360
Pavarësisht vështirësive, objektivi i ushqyerjes është të arrihen këta tregues:
Shtimi i peshës. 15-20 g në ditë
Shtim i gjatësisë. 0.5-1 cm në javë
Rritje e perimetrit të kokës. 0.5 cm në javë.
