Doktor, kam dhimbje të paparë në vesh të djathtë. As ilaçet, as gjilpërat, asgjë nuk më ndihmon. Kam tre ditë që kam dhimbje shumë të forta, dhimbjet i 
kam që nga fëmijëria
Përgjigjja nga Bledi Nini, mjek ORL
Megjithëse pacienti nuk është shumë i qartë në ankesën e tij,mund të them se dhimbja e veshit është shenjë e inflamacionit të veshit. Inflamacioni mund të prekë kanalin e jashtëm të dëgjimit e në këto raste kemi të bëjmë me otitin e jashtëm(otitis ekstern) ose mund të prekë veshin e mesëm (otitis media).
Në rastin e parë mundet që megjithë antibiotikun e përdorur dhimbja të mos qetësohet sepse ky infeksion i përgjigjet më mirë mjekimit lokal sesa përdorimit të antibiotikut.
Por gjithsesi është e domosdoshme kontakti i menjëhershëm me mjekun orl,për të vendosur diagnozën dhe për të shëruar patologjinë!
