Nga Blerina Bombaj, dietologe:
Nëse pasi konsumoni një ëmbëlsirë ndiheni i “ekzaltuar” dhe paksa i “mjegulluar” do të thotë se keni sensitivitet nga sheqeri. Kjo duhet të jetë për ju e 
mjaftueshme të tregoni pak më shumë kujdes në lidhje me sasinë e sheqerit dhe burimin e tij gjatë ditës.
Shija edukohet, e kemi vetë në dorë. Nëse ne fillojmë të eksplorojmë shije të reja, sidomos të thartën, ka shumë gjasa që ta tradhtojmë dashurinë për të ëmblat, vetëm se duhet të këmbëngulim!
Sa më shpesh të provojmë një shije të re, aq më shumë gjasa ka të na pëlqejë. Është si me këngët të cilat duhet t’i dëgjosh disa herë që të të pëlqejnë!
Ëmbëlsirat janë një kurth i rrezikshëm nëse nuk e kontrollojmë veten në lidhje me sasinë që konsumojmë. Por, mos harroni, asnjë ushqim nuk është “i keq”, gjithë sekreti i suksesit qëndron te masa!
