Përshëndetje stafi i gazetës “Shëndet+”. Unë dua t’i bëj një pyetje mjekut përmes faqes suaj të internetit për një problem që kam. 
Domethënë kam një lloj sëmundje të hundës, ku hundët më fryhen si shpesh dhe ndonjëherë më duhet të pështyj. Kjo sëmundje më shqetëson që nga fëmijëria, më ka filluar diku pas moshës 7-vjeçare. A mund të më sugjeroni se ç’duhet të bëj?
Përgjigjja nga mjekja Orjeta Tonuzi , ORL (otolaringologji)
Nisur nga të dhënat klinike që përshkruan pacienti, dyshoj se kemi të bëjmë me rinit. Prania e rinitit shkakton hiperfunksion të mukozës së hundës, që shoqërohet me daljen e sekrecioneve.
Rinitet duhen trajtuar, sepse në të kundërt shoqërohen me komplikacione të tjera, si: sinozit, otit etj. Megjithatë, është mirë që para se të marrë mjekim, pacienti të konsultohet detyrimisht me mjekun e familjes dhe besoj se ai do ta sugjerojë tek mjeku otolaringolog për të bërë vlerësimin e duhur.
