Nuk janë të paktë ata që për festat e fundvitit zgjedhin që të shkojnë e të bëjnë ski. Gjithsesi për këta persona, sidomos për ata që gjatë jetës së përditshme 
stërviten shumë pak, ekziston rreziku i rrëzimeve dhe si pasojë e frakturave.
Një studim i kryer në Itali tregon se “në vitet e fundit është rritur numri i aksidenteve me ski. 74% e rasteve kanë qenë rrëzime aksidentale, ndërsa 22% kanë qenë përplasje mes personave, 2% përplasje me një objekt të ndaluar dhe 2% rënie nga pajisje për ngjitje.
“Për të evituar incidentet e pakëndshme është e rëndësishme të ndaloni së bëri ski kur ndiheni të lodhur”, thonë ekspertët. Gjithashtu kujdes duhet pasur dhe për pajisjet: skitë moderne janë më të rrezishme sidomos për ata që nuk kanë një përgatitje sportive teknike: “Skitë përkulen më mirë, por shpesh kur nuk di si t’i kontrollosh, përbëjnë problem për gjunjtë dhe për ata që kalojnë pranë teje”. Në fakt kur bëjmë ski, zakonisht dëmtohen gjymtyrët e poshtme: gjunjtë dhe ligamentet./ ANSA
