Janari është muaji ku çdo grua duhet të ndërgjegjësohet për të kontrolluar nëse është infektuar nga Human Papilloma Virus i cili mund të shkaktojë kancer të qafës së mitrës.
Nëpër qendra shëndetësore bëhet një kontroll i grave të moshësh 40- 49 vjeç nga të cilat çdo vit 780 gra rezultojnë të prekur nga ky virus .
“Sfida e gruas është kanceri i qafës se mitrës. Një grua nuk duhet t/i lejojë vetes të vdesë nga kanceri i qafës së mitrës. Ne testojmë 13 mijë dhe 6 % rezultojnë të prekur nga ky infeksion”, tha Lila Shundi nga departamenti i laboratorëve të referencës në ISHP.
Kanceri i qafës se mitrës mund të kontrollohet nëpërmjet paptestit për moshat të cilat nuk janë të përfshira në programin e depistimit falas.
“39 gra vdesin në vit”, tha Shkundi.
Ndryshimi i sjelljeve seksuale ka rritur riksun e përhapjes së këtij infeksioni. Por sa kohë i duhet virusit të shkaktojë kancer?
“Është ulur mosha e marrëdhënieve, sjellje të ndryshme, duhen vite të shndërrohet kancer”, theksoi ajo.
Në vendin tonë ka nisur vaksinimi i vajzave 13 vjeç kundër këtij virusi dhe këtë javë do të nisë vaksinimi i moshës 14 deri në 20 vjeç.
Burimi-top-channel.tv
