Gazetare: Klevisa GJIKA
Asgjë nuk mund të thuhet me saktësi në lidhje me ecurinë e koronavirusit. Shumë studiues shprehen optimistë, për të tjerë ka më shumë vend pesimizmi, megjithatë një karantinim i dytë mund të ndodhë për të mbajtur nën kontroll një valë tjetër të mundshme.
Këtë e thonë shkencëtarët dhe sipas asaj që raportohet në të përditshmen “Daily Mail”, njerëzit do të duhet të kalojnë më shumë kohë brenda kur virusi të bëhet i rrezikshëm në stinën e dimrit.
Gjithsesi, të dhënat e grumbulluara nga Universiteti i Oksfordit nuk mund të thonë me saktësi se si do vijojë situata, pasi sipas tyre misteri i virusit mbetet akoma i madh dhe shkenca ka vetëm 6 muaj që e njeh.
Ulja e numrit të infektimeve pas rritjes së temperaturave nuk rezulton e vërtetë. Në bazë të hulumtimeve, edhe pse është vapë virusi nuk po dobësohet, ndryshe nga sa ishte aluduar më parë. / DailyMail
