Përshtati për gazetën “Shëndet+”: Blertina Koka
Thuhet se 20% e gjatësisë tuaj përcaktohet nga faktorë të jashtëm, si dieta ushqimore, aktiviteti fizik dhe mjedisi. Kjo do të thotë se nuk duhet t’ia vini fajin vetëm gjenetikës.
Dihet tashmë se njerëzit e gjatë kanë më shumë sukses në shoqëri dhe tërheqin më shumë vëmendjen e të tjerëve. Kjo shpjegon të gjithë vëmendjen që iu kushtohet supermodeleve, basketbollistëve etj. Para se të vendosni të harxhoni para për të blerë ilaçe që thuhet se të zgjasin, lexoni disa mënyra natyrale që mund t’ju ndihmojnë të shtoni disa centimetra.
Hani shëndetshëm
Dieta e shëndetshme ndihmon në zhvillimin dhe rritjen e trupit. Duhet të konsumoni ushqime të pasura me vitamina, minerale dhe vlera të tjera ushqyese që nevojiten për rritjen.
Qëndroni larg veseve të këqija
Konsumimi i alkoolit dhe qetësuesve ju pengojnë që të arrini gjatësinë maksimale. Kjo gjë ndodh pasi ata ndikojnë tek organet jetësore. Është shumë e rëndësishme që të shmangni stresin. Duhet të pushoni dhe flini mjaftueshëm, që t’i jepni mundësi trupit të rritet normalisht.
Ushtrohuni rregullisht
Të qenit aktiv çdo ditë, sidomos kur jeni akoma të rinj, ju ndihmon të keni një shtat të lartë. Aktiviteti fizik dhe ushtrimet rregullisht luajnë një rol shumë të rëndësishëm në formimin e kockave dhe muskujve.
Bëni joga
Joga ndihmon për të larguar stresin, i cili pengon në rritjen e trupit. Duke bërë joga ju gjithashtu humbni edhe disa kile, që ju bëjnë të dukeni më të shkurtër sesa jeni.
Mbani trupin gjithmonë drejt
Mbajtja e shpinës drejt, edhe nëse jeni të ulur apo në këmbë, është e rëndësishme për zgjatjen e trupit. Qëndrimi jo i drejtë, jo vetëm që ju bën të dukeni më të shkurtër, por pengon edhe muskujt që të rriten më shpejtë.
Konsumoni sa më shumë ujë
Për të përmirësuar tretjen dhe thithjen e vlerave ushqyese nga ushqimet, duhet të pini sa më shumë ujë.
Hani shpesh që të përshpejtoni metabolizimin
Që të siguroheni se metabolizimi është gjithmonë duke vepruar, hani 5 deri 6 vakte në ditë nga pak, në vend të 3 vakteve të bollshme.
Merrni sa më shumë diell
Vitamina D tek dielli është shumë e rëndësishme për zgjatjen e trupit. Kjo vlerë ushqyese është e nevojshme për thithjen e kalciumit nga kockat, duke çuar kështu në rritjen e tyre.
Burimi: Health Digezt / https://shendeti.com.al/
