Përshtati për gazetën “Shëndet+”: Blertina Koka
Pjesa më e madhe e femrave, sidomos adoleshentet, qëndrojnë disa orë para pasqyrës duke u përpjekur që të pastrojnë fytyrën me produkte të ndryshme kozmetike, apo duke plasur puçrrat. Por, a është mirë që t’i shtrydhni puçrrat? Përgjigja është Jo. Shtrydhja e puçrrave nuk është zgjidhja më e mirë, por vetëm e përkeqëson lëkurën.
Si formohen puçrrat
Aknet apo puçrrat në fytyrë janë një ndër problemet me inflamacionin më të përhapura tek adoleshentët. Më shumë se 80% e adoleshentëve kanë puçrra në fytyrë. Ata mund të shfaqen edhe me kalimin e kohës për arsye të ndryshme, si mosbalancimi i hormoneve të quajtura androgjene.
Pse nuk duhet t’i shtrydhni puçrrat?
Një puçërr është si një çantë e vogël pas lëkurës, që përmban vaj, baktere dhe inflamacion. Duke i shtypur puçrrat, ju i përhapni këto përmbajtje të dëmshme në të gjithë lëkurën, duke e përkeqësuar edhe më shumë problemin. Përveç kësaj, mund të shkaktoni edhe infeksion apo errësim të lëkurës. Nëse nuk i plasni, puçrrat mund të hiqen vetë pas një jave. Nëse keni shumë puçrra, atëherë duhet të konsultoheni me një dermatologe që t’ju rekomandojë ndonjë ilaç apo maskë që mund të përgatitet në shtëpi.
Burimi: Daily Mail / https://shendeti.com.al/
