Përshtati në shqip për www.shendeti.com.al: D.Bardhi
Shalqini është një nga frutat më të përdorura dhe të preferuara në stinën e verës, por a e kishit menduar se dhe farat janë po aq të rëndësishme sa vetë fruti?
Në Indi, farat e shalqinit konsumohen të pjekura dhe janë shumë të shëndetshme. Sipas një studimi të bërë nga Departamenti i Bujqësisë në Shtetet e Bashkuara u renditën disa vlera ushqyese shumë të rëndësishme që përmbanin farat e shalqinit:
Proteina: farat e shalqinit janë shumë të larta në proteina, 1 filxhan fara të thata përmban rreth 30.6 gr proteina, që është 61% e vlerës së rekomanduar ditore. Proteinat në farat e shalqinit përbëhen nga disa aminoacide, më i rëndësishmi prej tyre është argenina.
Medline Plus thekson se disa kushte shëndetësore mund të përmirësohen nga prania e argeninës në trup. Ajo rregullon presionin e lartë të gjakut, trajton sëmundjet koronare të zemrës, ul nivelin e kolesterolit të keq etj.
Vitamina B: një filxhan fara të pjekura shalqini përmban rreth 3.8 mg të vitaminës B kompleks, kjo përbën rreth 19% të vlerës së rekomanduar ditore. Niacina është një tjetër element që gjendet në farat e shalqinit dhe është element shumë i rëndësishëm në përmirësimin e sistemit nervor, përmirëson sistemin e tretjes dhe promovon shëndetin e lëkurës.
Minerale: minerali më i bollshëm në farat e shalqinit është magnezi. Magnezi është një nga mineralet më të rëndësishme të trupit dhe përmirëson presionin e lartë të gjakut. Minerale të tjera që gjenden në farat e shalqinit janë fosfori, hekuri, kaliumi, zinku etj.
Yndyrnat: farat e shalqinit janë të pasura me acide yndyrore omega-6, këto acide yndyrore rregullojnë nivelin e kolesterolit në gjak, promovojnë shëndetin e zemrës, përmirësojnë kujtesën etj.
Burimi: Medicine Plus/ shendeti.com.al
