Do të doja një informacion rreth temperaturës së ulët të trupit tek te rriturit kur shkon nën 36°. Cilat janë shkaqet dhe pasojat? A është e rrezikshme? Faleminderit.
Përgjigjet mjekja infeksioniste, Alma Koçi
Temperatura e ulët e trupit mund të vijë për disa arsye. Një shkak mund të jetë çrregullimi i funksionit të hipotalamusit që është përgjegjës për rregullimin e temperaturës së trupit. Hipotalamusi është organi kryesor i të gjithë sistemit hormonal të njeriut.
Shkak tjetër mund të jenë sëmundjet infektive të cilat shfaqen me temperaturë të ulët të trupit.
Megjithatë, është e nevojshme një vizitë me mjekun specialist për të bërë ekzaminimet e nevojshme në mënyrë që të gjejmë edhe shkakun e temperaturës. Në varësi të shkakut mund të flasim për pasoja dhe shkallë rrezikshmërie.
