Përshtati në shqip për gazetën “Shëndet+”: Blertina Koka
Po t’i hidhni vetëm një shikim Instagram-it të J.Lo, do të shihni një femër perfekte, me një trup të tonifikuar dhe lëkurë pa asnjë rrudhë.
Në një video të postuar së fundmi në Instagram, motra e Jennifer përpiqet t’i mbushë mendjen të dalin për darkë me miqtë, por këngëtarja nuk i bindet. “Kur dalë për të pirë me miqtë, është dita ime më e mirë e javës”, thotë motra e saj në video. “Ajo po përpiqet të më bindë mua përse duhet të fillojë pijen”, thotë J.LO në kamera. Shikojeni më poshtë:
https://www.instagram.com/p/58TFttmuMw/
46-vjeçarja, që duket si 26 vjeç, ka thënë shpesh herë se nuk i konsumon pijet alkoolike. “Mendoj se ato të dëmtojnë lëkurën. Sigurisht gjatë festave i konsumoj, pasi nuk mund të bësh dolli me ujë! Prandaj bëj dolli me alkool dhe pijë vetëm një gllënjkë”.
A mund të jetë kjo arsyeja përse lëkura e saj duket kaq mirë?
https://www.instagram.com/p/5pbFMgGuOb/
“Alkooli padyshim që ndikon në shëndetin e lëkurës”, thotë Jill S. Waibel, një nga dermatologet më të mira në Majami.
Konsumimi i alkoolit i shkakton lëkurës inflamacion dhe skuqje për shkak të zgjerimit të enëve të gjakut. Ndërsa dëmtimi më afatgjatë nga alkooli vjen nga dehidratimi. “Hidratimi është shumë i rëndësishëm për mbajtjen e lëkurës së shëndetshme,” shpjegon Waibel. Lëkura që është e dehidratuar, nga ana tjetër, shkakton daljen e parakohshme të rrudhave.
Waibel rekomandon që të konsumoni më pak pije që përmbajnë sasi të lartë të sheqerit, pasi mund të shkaktojnë plakje të parakohshme të lëkurës.
Burimi: Women’s Health / https://shendeti.com.al/
