Përshtati në shqip për “shendeti.com.al”: D.Bardhi
Stina e dimrit është stina ku janë më të pranishmet virozat e tilla si gripi apo e ftohura. Studimet kanë treguar se një person mund të preket nga e ftohura dhe/ose gripi të paktën 2 herë në vit.
Edhe pse nuk konsiderohen si viroza të rrezikshme, gripi dhe e ftohura dobësojnë ndjeshëm sistemin imunitar. Studimet kanë treguar se vitamina C është shumë e rëndësishme për të trajtuar përmes mënyrave natyrale të ftohurën dhe gripin.
Vitamina C është një lëndë ushqyese, një antioksidant specific që ka aftësinë të rrisë prodhimin e qelizave të reja në trup. Prodhimi i qelizave të reja, të shëndetshme mund të rrisë sistemin imunitar në një masë të konsiderueshme dhe një sistem i fortë imunitar lufton më shpejt sëmundjet dhe infkesionet e ndryshme.
Në dimër, vitaminën C mund ta gjeni me bollëk tek agrumet si qitro, portokalli, mandarina, limoni etj. Konsumoni 3-4 herë në ditë agrume në mënyrë që t’i shpëtoni virozave të dimrit. Natyrisht që është e rëndësishme që të ushqeheni shëndetshëm, të qëndroni ngrohtë dhe të flini mjaftueshëm.
Burimi: Daily Health Tips
