Qendra për Kontrollin dhe Parandalimin e Sëmundjeve (CDC) këtë të martë ka publikuar të dhënat nga një studim i fundit ku theksohet se vaksinimi anti-Covid nuk është i lidhur dhe nuk ka ndikim në lindjet e parakohshme dhe në peshën e foshnjave.
Mediat e huaja bëjnë me dije se shkalla e lindjes së parakohshme ishte 4.9% në mesin e më shumë se 10,000 grave që kishin marrë të paktën një dozë të vaksinës Covid-19, shifër që për krahasim, u rrit në 7% në mesin e 36,000 grave të pavaksinuara.
Studiuesit bëjnë me dije se vaksina nuk rrit rrezikun e lindjes së një fëmije me peshë më të vogël se normalja. Rezultatet e studimit mbështesin rekomandimin e CDC në lidhje me sigurinë e vaksinimit gjatë shtatzënisë.
“Dëshmitë për përfitimet e vaksinimit gjatë shtatzënisë vazhdojnë të rriten, duke përfshirë zbulimin e antitrupave në gjakun e kordonit kërthizor,” theksojnë studiuesit që ishin pjesë e studimit.
Ndërkohë pjesë e studimit ishin gratë që mbetën shtatzënë midis muajve maj dhe tetor të 2020, domethënë përpara se vaksinat të bëheshin të disponueshme. Pothuajse të gjithë ata që u vaksinuan e bënë këtë gjatë tremujorit të dytë dhe të tretë të shtatzënisë. Rreth 96% morën të paktën një dozë të një vaksine mRNA nga Pfizer-BioNTech ose Moderna, ndërsa pjesa tjetër bëri vaksinën e monosodiumit Johnson & Johnson dhe nga rezultatet nuk u vunë re ndryshime pavarësisht vaksinave që u përdorën.
Ndërkaq nga studimi janë përjashtuar dozat përforcuese dhe vaksinimi në tremujorin e parë të shtatzanisë pasi nuk ishin të disponueshme në atë periudhë.
