Përshtati në shqip për “shendeti.com.al”: D.Bardhi
Kylie Jenner duket se ka “infektuar” me idenë e të pasurit buzë të plota e të bukura të gjitha vajzat që e ndjekin atë në rrjetet sociale si instagram apo facebook. Teknikat e reja të make-upit na kanë treguar se mund të keni fare lehtë buzë të plota e të bukura pa pasur nevojë për operacione plastike.
Ja hapat që duhet të ndiqni për të pasur buzë të plota:
Fillimisht lyeni buzët me fondatinë në mënyrë që të zbehet vija reale e buzëve.
Më pas përdorni një laps buzësh për të konturuar buzët. Lapsin mund ta vendosni disa milimetra më sipër dhe më poshtë vijës reale të buzëve, por pa e ekzagjëruar!
Me anë të lapsit bëni 3 vija vertikale në buzë (si në foto), një në mes të buzës së poshtme dhe dy të tjera në anët e buzës së sipërme.
Pas konturimit të buzëve vendosni një buzëkuq me një ton më të çelur se lapsi.
Së fundi shtojini pak shkëlyes buzëve që të japin efektin e plotësisë.
Burimi: ELLE
