Ambasadori amerikan Donald Lu mori pjesë në “Dhurimin e Gjakut” organizuar sot në Ambasadën Amerikane në Tiranë në bashkëpunim me Kryqin e 
Kuq Shqiptar. “Dhurimi i gjakut nuk kërkon më shumë sesa disa minuta nga koha juaj, por dhuron një jetë të tërë për dikë tjetër. Ju ftoj të gjithëve që të mbështesni Kryqin e Kuq Shqiptar,” tha ambasadori Lu.
Dhurimi i Gjakut nga Ambasada Amerikane në Tiranë është një aktivitet që realizohet çdo vit dhe fton të gjithë punonjësit e ambasadës që të dhurojnë gjak. Sipas Kryqit të Kuq, një qese gjak mund të shpëtojë 3 jetë njerëzish. “Bëhuni edhe ju një hero! Dhuroni gjak dhe do mund të shpëtoni jetë dhe të jepni shpresë!”
