Ankthi dhe stresi po bëhen shumë problematikë për shëndetin e njerëzve , sidomos këto dekadat e fundit. Këto fenomene i vuajnë afërsisht 150 milionë njerëz në të gjithë botën.
OBSH (Organizata Botërore e Shëndetësisë) parashikon që ky numër me këto diagnoza rritet dita –ditës, sepse shumë shkaqe ndikojnë në përparimin e tyre si : varfëria, papunësia, mirëqenia e jetesës nën vlerat minimale jetike , pasiguria e jetës, katastrofat natyrore , cunamet, tërmetet, luftërat, konfliktet mes shteteve, përplasjet fetare si dhe mosushqyerja e mosdiagnostikimi në kohë i shumë sëmundjeve (për arsye të kostos së lartë të kurimeve dhe ilaçeve). Të gjitha këto çojnë në një rritje të madhe të stresit përball halleve të jetës për mbijetesë dhe mënyrat për të përballuar peshën e jetës.
Ja cilat janë disa mënyrat natyrale për trajtimin e tyre
- Merrni një gjethe nenexhik. Me të filluar shqetësimet, mbajeni poshtë gjuhës për 5-10 minuta. Kjo mund të përsëritet 2-3 javë rresht.
- Lëngu i 2 kokrrave të limonit ëmbëlsohet me mjaltë dhe pihet para gjumit.
- Ankthi shfaqet edhe nga gjëndrat tiroide, prandaj duhet trajtuar mirë. Merrni në mënyrë të barabartë lule bliri, rozmarinë, lule kamomili dhe valerianë, pra nga një lugë gjelle nga këto bimë të grimcuara dhe ziejini në 500 gr ujë për 5-10 min. Pastaj kullohen dhe pihen çdo darkë para gjumit të ëmbëlsuar me sheqer ose mjaltë sipas dëshirës.
- Merrni një lugë gjelle me bimë të thara dhe të grimcuara nga mendra, valeriana, bari i bletës , kamomili dhe gjethet e dy mëllagave. I zieni në 2 litra ujë për 10-15 minuta. Të kullohen e të pihet 1 gotë në mëngjes esëll dhe 1 gotë në mbrëmje vonë./ https://shendeti.com.al/
