Vetëm me një votë diferencë, Rektori i Universitetit të Mjekësisë, Arben Gjata është rikonfirmuar në këtë post. Në Universitetin e Mjekësisë kandidonin për postin e rektorit: dekania e Fakultetit të Mjekësisë, Mira Rakaçolli; rektori në detyrë Arben Gjata dhe dekani i Fakultetit të Shkencave Mjekësore Teknike, Petrit Bara.
Pas përfundimit të numërimit të votave, mësohet se Gjata ka grumbulluar 107 vota, ndërsa rivali i tij Petrit Bara ka arritur të marrë 106 vota. Në krahasim me dy kandidatët e parë, diferenca në vota për znj. Mira Rakaçolli ka qenë e lartë. Ajo ka arritur të grumbullojë vetëm 60 vota./ https://shendeti.com.al/
