Policia italiane arrestoi një infermiere që dyshohet se ka vrarë të paktën 38 prej pacientëve të saj sepse ata, ose të afërm të tyre, e kishin acaruar. Zyrtarët 
gjetën gjithashtu një fotografi “selfie” ku infermierja kishte bërë me gisht shenjën “ok” para një pacienti të vdekur.
Daniela Poggiali, 42 vjeçe, infermiere spitali u arrestua në qytetin e saj të lindjes në veri të Italisë, në zonën e Emilia Romanjës, provincë e Ravenës.
Policia dyshoi për vrasjen pas vdekjes së të moshuarës Rosa Calderoni, 78 vjeçe, e cila ishte shtruar në spital për një sëmundje të lehtë. Testet treguan se Calderoni vdiq nga një injeksion i një substancë mjekësore, e cila nxit arrestin kardiak.
Kaliumi, i përdorur në injeksion, i zhduk shenjat e veta pas disa ditësh dhe e bën më të vështirë hetimin.
Hetimet treguan se infermierja nuk ishte përgjegjëse thjesht për vdekjen e të moshuarës por e të paktën 38 pacientëve./ Gridi Shehu
