Ju inkurajon të konsumoni sheqer: dehidratimi rrit dëshirat për të konsumuar sheqer, sidomos pasi keni kryer aktivitet fizik.
Ul energjinë, nëse jeni duke u ushtruar fizikisht: nëse jeni të dehidratuar nuk do të jeni në gjendje të kryeni si duhet shumë aktivitetet fizike pasi mungesa e lëngjeve të nevojshme për trupin ju dobëson fuqitë.
Than lëkurën: mbajtja e lëkurës shëndetshëm ka të bëjë me sasinë e ujit që konsumoni çdo ditë- thotë Ana Mari Terman, dermatologe. Për të patur lëkurë të lëmuar ajo këshillon gjithashtu dush të shpeshtë të trupit dhe të shkurtër (5 minuta). Përdorni ujë të vakët pasi ujii i nxehtë mund t’jua thajë lëkurën edhe më shumë.
Dehidratimi mund të rrisë rrezikun e aksidenteve në trafik: Sipas një studimi të publikuar së fundmi shoferët të cilët janë të dehidratuar janë më të prirur të bëjnë gabime gjatë rrugës.
Ndjeheni të lodhur: nëse ndjeheni të lodhur gjatë pasdites të jeni të sigurt që ka të bëjë më shumë me faktin që jeni të dehidratuar se sa me shkaqe të tjera. Mungesa e ujit në muskuj vështirëson të gjitha veprimet duke ju çuar në një gjendje lodhje.
Nxit nervozizmin: nëse ndjeheni nervozë provoni të pini një gotë ujë dhe gjëndja juaj do të ndryshojë. Një studim i publikuar në “Journal of Nutrition” ka testuar 25 gra dhe doli në përfundimin se ato që kishin nivelin e hidratimit 1 % më të ulët kishin dhimbje koke, nervozizëm dhe shpërqëndrim.
Mund të shkaktojë dhimbje muskujsh: mungesa e ujit ul qarkullimin e gjakut dhe muskujt mund të fillojnë të dhembin. Ndryshimet në natrium dhe kalium nëpërmjet humbjes së djersës, mund t’ju shkaktojnë gjithashtu dhimbje kyçesh.
Do të ndjeheni të trullosur: së bashku me muskujt edhe truri juaj fillon të shfaqë pasojat negative që vijnë si pasojë e dehidratimit. Mund të keni marrje mendsh dhe shpërqëndrim.
Ju shkakton dhimbje koke: dehidratimi mund t’ju shkaktojë dhimbje koke në mënyra të ndryshme. Nëse keni dhimbje koke provoni të pini 2 gota ujë dhe do të zbuloni se ajo do të zhduket. Gjithashtu mund të konsumoni fruta pasi përmbajnë përqindje të larta të ujit./Health Magazine/Përgatiti: Elena Beta
