Shkodra dhe Shqipëria humbin një emër të madh të artit dhe humorit. Ka ndërruar jetë në moshën 73-vjeçare Mjeshtri i Madh i humorit, Zef Deda, pas betejës me një sëmundje të rëndë.
Deda, një nga komedianët më të mirë të Shqipërisë, i cilësuar edhe si Charlie Chaplin i Shqipërisë.
Shumë breza janë rritur me humorin dhe pozitivetin e të madhit Zef Deda.
Ai u lind në Shkodër më 27 korrik 1950 dhe ishte shkolluar në qytetin e tij të lindjes, dhe në politeknikumin e ndërtimit në Tiranë. Ai nisi shkollën e lartë për gjuhë-letërsi, por nuk e mbaroi dot për arsye shëndetësore.
Deda punuar për më shumë se 40-vite në Teatrin Migjeni të Shkodrës. Talenti i tij spikat që në moshë të vogël. Me një shkathtësi dhe me një plastikë të shkelqyër psiko-fizike ai arrine të realizojë qindra figura artistike. Prandaj ishte mjaft i dashur për publikun shqiptar, sidomos atë shkodran.
Pas një shkeputje prej 6 vitesh, për shkak te emigrimit jashtë atdheut, ai kthehet në vitin 1996 në Shqipëri për të ushtruar profesionin e aktorit.
Zef Deda, i martuar me Rozina Dedën dhe ka dy djem, Julian Deda dhe Marjan Deda. Zef Deda gjithashtu ka interprertuar edhe shumë komedi si: “Vëllai nga babai”, “Kollovari”, “Big Brother Shkodra 1”, “Big Brother Shkodra 2”, etj.
