Përshtati në shqip për “Shendeti.com.al”: Blertina Koka
Edhe pse dalin në treg pafund maska dhe trajtime për lëkurën, asnjëra nuk është aq efektive sa maskat natyrale të përgatitura në kushte shtëpie. Nëse keni probleme me lëkurën, skuqje, akne etj, provoni maskën me aspirinë. Përbërësi kryesor tek aspirina është i ngjashëm kimikisht me acidin salicilik, që ndihmon për pastrimin e fytyrës.
Mjafton ta përzieni aspirinën me tre përbërës të tjerë (që gjenden në kuzhinat e të gjithëve) për të krijuar një trajtim për pastrimin, zbutjen dhe shkëlqimin e fytyrës.
Do t’ju duhen
- 4-5 kokrra aspirina
- 1-2 lugë gjelle ujë të vakët
- Mjaltë ose kos (sipas dëshirës)
Përgatitja:
Përzieni aspirinën me ujin për të formuar pastën. Nëse doni një maskë më të trashë, shtoni mjaltë, nëse e doni më të lëngshme, shtoni kos. Aplikojeni maskën në fytyrë dhe lëreni të thahet. Hiqeni atë me ujë të vakët.
Shënim: Disa njerëz janë alergjikë ndaj aspirinës, prandaj duhet ta provoni njëherë tek krahu para se ta shpërndani në të gjithë fytyrën.
Burimi: Popsugar / https://shendeti.com.al/
