Kanë hyrë vonë në vendin tonë e megjithatë janë bërë një frut i këndshëm për këdo, shpesh duke u përdorur edhe në vend të mëngjesit
Përgatiti: Arlinda Gjypi
Shumë të ëmbla dhe të buta, bananet vijnë të “veshura” me xhaketën e tyre të verdhë dhe janë në tavolinat tona përgjatë gjithë vitit. Pema e bananes rritet 3-10 metra.
Të mirat shëndetësore
E butë, kremoze, e ëmbël, banania është frut i preferuar për këdo, duke filluar nga fëmijët tek të moshuarit. Të apasionuarit pas sportit thonë se ky frut i pasur me kalium, u shton shumë energjitë. Por çfarë duhet të dini për bananen, si dhe ku ndikon ajo në trupin tuaj? Lexoni më poshtë dhe herë tjetër nuk do ta vini në dyshim që një banane në ditë, është zgjidhja e duhur për ju pavarësisht moshës.
Mbron kockat dhe ju ngre humorin
Bananet ndihmojnë në kalimin e depresionit falë niveleve të larta të triptofanit, që konvertohet në serotoninë, duke i bërë më të lumtur neurotransmetuesit e trurit.
Hani dy banana para çdo stërvitjeje të fuqishme për më tepër energji dhe për të mbajtur në nivele sheqerin në gjak.
Mbron kundër dhimbjeve të muskujve gjatë stërvitjes dhe ngërçet e këmbëve gjatë natës duke ngrënë thjesht një banana.
Lufton humbjen e kalciumit gjatë urinimit dhe ndihmon në kocka më të forta
Përmirëson humorin tuaj dhe ul simptomat e mërzisë, pasi rregullon sheqerin në gjak dhe prodhon çlirim nga stresi.
Bananet ulin enjtjet, mbrojnë kundër diabetit të tipit 2, ndihmojnë në uljen e peshës, forcojnë sistemin nervor dhe ndihmojnë në prodhimin e qelizave të bardha të gjakut falë niveleve të larta të vitaminës B6.
Ndihmon gjakun tuaj dhe lehtëson animinë falë sasisë së hekurit që kanë.
E lartë në kalium dhe me pak kripë, bananet janë zyrtarisht të njohura nga Fedarata Amerikane e Ilaçeve sit ë afta për të ulur presionin e lartë të gjakut dhe për të mbrojtur kundër atakeve kardiake.
(Materialin e plotë mund ta lexoni në numrin e 17 marsit të gazetës “Shëndet+”)
