Çiftet e sotme betohen se do të jenë bashkë për gjithë jetën duke mbështetur njëri-tjetrin, por divorcet e sotme tregojnë se kur gruaja është sëmurë, familja shpërbëhet. Siç raporton agjencia italiane e lajmeve ANSA, një studim i tillë u krye nga Universiteti i Miçiganit. Kërkuesit analizuan të dhënat e 20 vjetëve për 2717 martesa.
Rezulton në fakt se gratë janë më pak të privilegjuara përkundrejt sëmundjeve. Nga njëra anë, përveç faktit që meshkujt sëmuren më shumë, ato e kishin më të lartë rrezikun për të mbetur vejusha dhe nga ana tjetër në rastet se ato sëmureshin, divorcet ishin dyfish më të larta.
Megjithëse nuk është bërë një studim për të parë se cilat ishin arsyet që dyfishonin divorcet nëse gratë ishin të sëmura, doktoresha Amelia Karraker dhe skuadra e saj thonë: “Pritshmëria shoqërore mbi kujdesin nuk e vë burrin përballë përgjegjësisë për t’u kujdesur siç duhet ndaj partneres së vet të sëmurë, për më tepër, rezulton se burrat edhe pse në moshë të madhe, kanë më tepër mundësi për të gjetur një partnere krahasuar me gratë e divorcuara. Nuk kemi informacion se kush ka zgjedhur të kryejë divorcin, por ka shumë mundësi që nisur nga fakti që burri nuk kujdeset për të, gruaja zgjedh të ndahet në mënyrë që familjarët e tjerë të vazhdojnë të përkujdesen”.
