Problemit të ngritur nga bluzat e bardha për paga të vogla ministri i Shëndetësisë, Ilir Beqaj, përballë një paneli me mjekë i është përgjigjur se mjekët nuk janë të keqpaguar.
“Mjekët në Shqipëri kanë paga normale duke e parë në kontekstin tonë. Mendoj se këto paga janë normale”, thekson Beqaj duke lënë të nënkuptohet se nuk do të ketë rritje të pagave të mjekëve, megjithëse nuk ka pasur asnjë rritje page për bluzat e bardha që kur ka nisur drejtimin e Ministrisë së Shëndetësisë.
